Lundaball 2026 verður haldið í Höllinni laugardaginn 26. september. Í tilkynningu frá skipuleggjendum segir að venju samkvæmt verði öllu tjaldað til þegar kemur að mat, skemmtun og óviðjafnanlegri stemningu.

Á matarborðinu verður meðal annars að finna nýjan og reyktan lunda, svartfugl og fjölbreytt úrval fisk- og kjötrétta. Að borðhaldi loknu sjá Jónsi í Svörtum fötum og Gosarnir um að halda uppi fjörinu á dansleik kvöldsins.

Miðaverð fyrir mat, skemmtun og dansleik er 14.900 krónur. Lundaballið er kjörið fyrir árshátíðir, vinahópa og saumaklúbba. Tekið er á móti hópapöntunum í netfanginu svennimagg@gmail.com.

Suðureyingar lofa frábæru Lundaballi og vonast til að sjá sem flesta í Höllinni 26. september.