Jón Pétursson, framkvæmdastjóri fjölskyldu- og fræðslusviðs kynnti fyrir fjölskyldu- og tómstundaráði Vestmannaeyja drög að nýjum þjónustusamningi milli félags- og vinnumarkaðsráðuneytisins og Vestmannaeyjabæjar um samræmda móttöku flóttafólks. Um er að ræða samning frá 1. janúar 2024 til 31. desember 2024.

Ákvæði er samningnum að ef ríkið uppfyllir ekki fyrir 30. júní 2024 ákvæði um að koma á fót starfshópi með það að markmiði að endurskoða samninginn og koma með tillögu að nýjum samningi til framtíðar, fellur samningurinn þegar úr gildi þann sama dag.

Samningurinn miðaðst við móttöku að hámarki 30 flóttamönnum. Samningurinn verður lagður fyrir bæjarráð til samþykktar áður en hann fer í undirritun.

Fram kemur í afgreiðslu ráðsins að það samþykki fyrir sitt leyti samninginn en leggur áherslu á mikilvægi þess að ríkið uppfylli ákvæði um að koma á fót starfshópi með það að markmiði að endurskoða samninginn til framtíðar.