Oft eru fréttir af félagslífi nem­enda framhaldsskólanna á Íslandi heldur neikvæðar en slíkt er þó auðvitað ekki algilt og alltaf ánægjulegt að geta sagt frá því sem vel er gert. Nýlega tóku nemendur Fram­halds­skólans í Vestmannaeyjum þátt í knattspyrnumóti framhalds­skólanna. Undankeppnin var í Hafnarfirði og gekk mjög vel því að FÍV var eini skólinn sem kom bæði karla- og kvennaliði í úrslita­keppnina. Leikið var til úrslita á Akureyri, helgina 26. til 28. októ­ber og gekk báðum liðum þokka­lega, munaði t.d. aðeins einu marki að karlaliðið spilaði til úrslita.