Niðurstöður prófa í stærðfræði og íslensku sem haldin voru síðastliðið haust voru kynntar í nýjasta vefriti menntamálaráðuneytisins sem kom út fyrr í mánuðinum. Líkt og undanfarinn áratug er samanburður á landinu í heild nemendum í Suðurkjördæmi í óhag.

Eyjólfur Sturlaugsson, skólastjóri Vallaskóla á Selfossi sem er stærsti grunnskólinn á Suðurlandi, segist ekki kunna skýringu á því að nemendur Suðurkjördæmis eru ár eftir ár með lakari einkunnir en nemendur í öðrum kjördæmum. Hann segir afar erfitt að meta ástæður þar að baki. �?Vallaskóli hefur verið um og yfir landsmeðaltali undanfarin ár og í ár erum við aðeins yfir meðaltalinu,�? segir Eyjólfur.

Skýringar er heldur ekki að finna hjá Námsmatsstofnun en hlutverk stofnunarinnar er meðal annars að annast framkvæmd samræmdra prófa á grunn- og framhaldsskólastigi. �?�?etta hefur ekki verið skoðað af okkar hálfu. �?eir sem ættu að skoða þetta eru fræðsluyfirvöld í viðkomandi kjördæmi,�? segir Finnbogi Gunnarsson, umsjónarmaður framkvæmdar samræmdra prófa hjá Námsmatsstofnun.

Kristín Hreinsdóttir, forstöðumaður Skólaskrifstofu Suðurlands, segir það ekki í hlutverki skólaskrifstofunnar að finna skýringar að baki slökum árangri nemenda Suðurkjördæmis. �?Skólaskrifstofa Suðurlands er ekki stjórnsýsluvald og því ekki í okkar hlutverki að skoða þetta. Sveitarstjórnirnar á Suðurlandi bera ábyrgð á fræðslumálum og ábyrgðin er því þeirra,�? segir Kristín.

Hún segir skólana og sveitarstjórnir á Suðurlandi hafa skoðað málið en skýringar séu ekki einhlítar �?�?að eru margar skýringar á þessu, til dæmis samsetning íbúanna á svæðinu með tilliti til menntunarstigs. Ein af skýringunum kann því að vera að Suðurland er láglaunasvæði,�? segir Kristín og á þá við að námsárangur nemenda vaxi með aukinni menntun foreldranna. �?Gæði skólastarfs á Suðurlandi er hins vegar ekki lakara en annarsstaðar á landinu,�? segir Kristín.