- Eyjafréttir
- ·
- Fréttir
- ·
Norðurljósin af Haugasvæðinu
Norðurljósin sáust vel í Eyjum í gærkvöldi. �?skar Pétur Friðriksson hélt útúr björtum bænum og suður á Haugasvæðið þar sem hann tók þessa mynd.
Á vef Stjörnufræðifélagsins segir um Norðurljósin: �??Norðurljósin myndast þegar hraðfleygar rafhlaðnar agnir frá sólinni, aðallega rafeindir, rekast á atóm og sameindir í um 100 km hæð yfir Jörðinni. Agnirnar koma ekki beint frá sólinni heldur safnast þær fyrir í segulhvolfi Jarðar og fá þar þá hröðun og orku sem þarf til að mynda ljósin.
Norðurljósin sjást oftast sem slæður sem liðast eftir himninum. Slæðurnar geta verið hundrað og allt upp í nokkur þúsund kílómetrar að lengd en mun þynnri, ekki nema nokkur hundruð metrar. Algengast er að norðurljósin eigi upptök sín í 90-130 km hæð en þó getur rauði hluti norðurljósanna mælst alveg niður í 70 km hæð og upp fyrir 300 km hæð.�??
