Ný stjórn var kjörin á aðalfundi kjördæmafélags Miðflokksins í Suðurkjördæmi laugardaginn 23. mars sl.. Formaður var kjörin Patience A. Karlsson, varaformaður Tómas Ellert Tómasson, gjaldkeri Guðrún Kr. Jóhannsdóttir. Aðrir stjórnarmenn Guðni Hjörleifsson og Friðrik Ólafsson. Varamenn Elís Anton Sigurðsson og Eggert Sigurbergsson.

Auk hefðbundinna aðalfundarstarfa óskaði Sigmundur Davíð formaður flokksins nýjum formanni og nýrri stjórn til hamingju með kjörið. Jafnframt þakkaði hann fráfarandi formanni Bjarna Gunnólfssyni og fráfarandi stjórn fyrir vel unnin störf. Fór Sigmundur Davíð yfir helstu málin sem í gangi eru í dag í íslenskum stjórnmálum þar sem er af nógu að taka. Mikil og góð umræða var á fundinum, segir í tilkyninngu frá Miðflokknum í Suðurkjördæmi.