Íslenskukennsla á dagtíma sem haldin var frá 2. til 24. febrúar tókst einstaklega vel. Kennt var fjórum sinnum í viku, frá mánudegi til fimmtudags, og var mæting og þátttaka til fyrirmyndar allan tímann. Hópurinn var einstaklega skemmtilegur og áhugasamur,“ segir Jóhanna Lilja Eiríksdóttir sem stýrir íslenskunámi hjá Visku.

„Nemendur sýndu mikinn metnað í námi sínu, studdu hvert annað og tóku virkan þátt í umræðum og verkefnum. Það er alltaf jafn gefandi að sjá sjálfstraustið aukast og íslenskuna eflast með hverri vikunni sem líður. Í kennslunni var lögð áhersla á að byggja upp grunnfærni þar sem þetta er íslenska númer 1, í íslensku 2 er síðan hægt að leika sér meira, þar sem grunnhæfni er nógu mikil.

Í mars hefst nýr hópur í Íslensku 2 og hlökkum við mikið til að taka á móti nýjum og gömlum nemendum. Við í Visku hlökkum til áframhaldandi samstarfs og spennandi vetrar með metnaðarfullum nemendum. Nú erum við með kvöldhópa í íslensku númer 1,2,3 og 4,“ segir Jóhanna Lilja að endingu.