Omar Sowe, leikmaður karlaliðs ÍBV í fótbolta, hefur verið dæmdur í tveggja leikja bann eftir að hafa fengið að líta rauða spjaldið í leik ÍBV og KA í 15. umferð Bestu deildar karla.

Omar var rekinn af velli á 77. mínútu leiksins fyrir að reka höfuðið í Birgi Baldvinsson, leikmanns KA, þegar Eyjamenn voru við að taka hornspyrnu. Þetta er fyrsta rauða spjald Omars í sumar en hann fær auka leik í bann fyrir ofsafengna framkomu. 

Hann mun því að öllum líkindum missa af leik ÍBV gegn Breiðablik á útivelli mánudaginn 27. júlí og Þjóðhátíðarleiknum gegn Fram sem fer fram laugardaginn 1. ágúst. 

Samkvæmt heimildum Fotbolta.net ætlar ÍBV að áfrýja niðurstöðunni.