Rauðátuverkefnið – Fékk 20 milljóna styrk

„Það er mikil viðurkenning fyrir Þekkingarsetrið og Vestmannaeyjar í heild að fá 20 milljóna króna styrk til rauðátuverkefnisins frá Rannís og Tækniþróunarsjóði. Á vormisseri bárust sjóðnum 422 umsóknir og ákvað stjórnin að ganga til samninga um 84 verkefni á árinu fyrir ríflega 1.4 milljarða króna. Glæsilegt að vera í þeim pakka. Stuðningur sjóðsins til verkefnanna getur verið frá einu ári til allt að þriggja ára. Árangurshlutfall styrktra verkefna af heildarfjölda umsókna er 20%,“ sagði Hörður Baldvinsson, framkvæmastjóri Þekkingarsetursins.

Þekkingarsetrið  hefur unnið að rauðáttuverkefninu nú í þrjú ár og er í samstarfi við norskt fyrirtæki sem hefur áralanga reynslu í veiðum og vinnslu á rauðátu. „Rauðátan er við bæjardyr Vestmannaeyja yfir hásumarið. Í síðustu viku fórum við á einum rannskóknarbátnum og gerðum tilraun með fimm háfa á mismunandi dýpi. Lítið kom í efstu tvo en meira fékkst af rauðátu í þá tvo næstu. Enginn meðafli þannig að veiðar á rauðátu ættu ekki hafa áhrif á lífríkið í sjónum og við erum að tala um mest 5000 tonn af einhverjum milljónum tonna við Suðurströndina.“

Hörður er í hálf pínlegri stöðu, peningar og veiðarfæri til reiðu en skip vantar. „Troll og hlerar sem við fengum frá samstarfsaðilum í Noregi hafa staðið á bryggjunni í einhverjar vikur. Vandinn er að við höfum ekki fengið skip og nú erum við að renna út á tíma þetta sumarið. Ég hef kynnt málið vel hér heima í Eyjum en ekki haft erindi sem erfiði í ár.“

Hörður segist finna víða fyrir áhuga en spurningin sé hver stigi fyrsta skrefið. „Minn draumur er að þetta verði alfarið í höndum Eyjamanna. Veiðar verða ekki stóra málið, hér er nóg af skipum sem henta til veiðanna. Það sem skiptir máli er vinnslan í landi sem í framtíðinni gæti orðið ein af stoðum í atvinnulífi Eyjanna.“ Sagði Hörður.

Nýjustu fréttir

Áhugavert
Sveiflur í veðri og ógnar brim
Fréttir
Gul viðvörun – Austanhríð
Íþróttir
Kristín Klara lék í sigri Íslands á Serbíu
Íþróttir
Þar sem andinn er góður og stemningin í klefanum frábær
Kynning
Bílaumboðið Una selur XPENG bíla á Íslandi 
Áhugavert
Árni Árnason – Þurrabúðarlíf í Eyjum um aldamótin 1900
Bæjarmálin
34,8 milljónir í fjárhagsaðstoð í fyrra
Úr blaði Eyjafrétta
Safna fyrir innileikvelli fyrir börn 
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.