Vegna mikillar eftirspurnar ætlar handknattleiksdeild ÍBV að bjóða aftur til sölu reyktan lax frá Laxey.

„Samloka eða brauðterta með reyktum laxi í hvíta tjaldinu – þurfum við að segja eitthvað meira?“ segir í tilkynningu deildarinnar.

Laxinn kostar 6.000 krónur kílóið og fer salan fram í krónni hjá Sigurjóni Ingvars og félögum á Skipasandi á morgun, mánudaginn 27. júlí, frá klukkan 15.00 til 18.00.

Einnig verður til sölu saltfiskur upp á gamla mátann. Hér gefst því gott tækifæri til að næla sér í hágæðavöru og styrkja handknattleiksdeild ÍBV um leið.

Áfram ÍBV – alltaf, alls staðar!