Róbert Aron Hostert, leikmaður karlaliðs ÍBV er í íslenska landsliðshópnum fyrir æfingaferð liðsins til Austurríki í lok mánaðarins. Eyjamaðurinn Kári Kristján Kristjánsson er jafnframt á sínum stað í hópnum. Alls eru valdir 18 leikmenn í þetta sinn en liðið mun koma saman í Linz, mánudaginn 28. október og æfa saman fram á föstudag þar sem fyrri vináttuleikur Íslands og Austurríkis fer fram kl.19.20. Síðar leikur liðanna fer svo fram daginn eftir eða á laugardegi, einnig kl.19.20, að því að fram kemur í tilkynningu frá Handknattleikssambandi Íslands.

Nokkuð er um forföll í íslenska liðinu en fjórir sterkir leikmenn eru frá vegna meiðsla, þeir Alexander Petersson, Aron Pálmarsson, Arnór �?ór Gunnarsson og Ingimundur Ingimundarson. �?á getur Rúnar Kárason ekki tekið þátt í verkefninu af persónulegum ástæðum.