Sandra Erlingsdóttir – Stjarnan í liðinu og sú besta

Eyjafréttir
·
Fréttir
·
22. desember 2023

Í Morgunblaðinu í dag er farið yfir frammistöðu landsliðs kvenna í handbolta sem kom heim með Forsetabikkarinn. Lenti í 25. sæti f 35 liðum og var marki frá því að komast í milliriðil. Okkar fólk, Sandra, Sunna, Díana Dögg fá góða dóma og Arnar sagður á réttri leið með liðið.

Umsögn Margunblaðsins:

Sandra Erlingsdóttir – Stjarnan í liðinu og sú besta á mótinu hjá íslenska liðinu. Skoraði mest og átti næstflestar stoðsendingar. Sandra er leikmaðurinn sem aðrir leikmenn leita að þegar það vantar töfrabrögð í sókninni. Ekki fullkomið mót hjá henni, þar sem hún missti boltann of oft og var stundum klaufsk, en það var mikil ábyrgð á herðum Eyjakonunnar.

Sunna Jónsdóttir – Fyrirliðinn er algjör leiðtogi og hélt liðsfélögum sínum á tánum. Lék vel í vörn og átti sína spretti í sókninni líka, þar sem hún leit stundum út fyrir að vera tíu árum yngri. Skilaði sínu hlutverki vel.

Díana Dögg Magnúsdóttir – Þarf að vera þolinmóð í landsliðstreyjunni því Thea er á undan henni í goggunarröðinni. Átti flottar innkomur og hefði stundum mátt spila meira. Var augljóslega staðráðin í að nýta tækifærin þegar þau gáfust.

Elísa Elíasdóttir – Þurfti að vera þolinmóð, þar sem hún var utan hóps og spilaði lítið framan af. Íslenska línuspilið gekk hins vegar betur þegar Eyjakonan spilaði og hún nýtti spiltímann vel. Er aðeins 19 ára gömul og á framtíðina fyrir sér í landsliðstreyjunni

Þjálfarinn Arnar Pétursson – Fyrsta stórmót Eyjamannsins. Það er óhætt að segja að liðið sé á réttri leið með Arnar sem skipstjóra. Ísland var hársbreidd frá því að komast í milliriðil eftir jafntefli við lið sem vann síðan tvo leiki í milliriðli. Var íslenska liðið því nálægt því að enda mun ofar á mótinu. Ísland er að nálgast lið sem hafa verið sterkari síðustu ár.

Þá var Arnar án fjölmargra reynslumikilla leikmanna og þurfti að vera snöggur að smíða saman lið úr yngri og reynsluminni leikmönnum og tókst nokkuð vel til. Hann þarf hins vegar að læra á þetta svið eins og aðrir leikmenn. Stundum var hann of vanafastur. Gekk ekki að spila Andreu í gang, þegar Elín Rósa var betri kostur á bekknum. Þá mátti hann gefa Þóreyju Önnu og Kötlu Maríu meiri spiltíma, þar sem þær nýttu sínar mínútur vel. Arnar komst nokkuð vel frá sínu á mótinu en ekki fullkomlega.

Sjá nánar í Morgunblaðinu í dag.

Mynd, Sandra og Díana Dögg á æfingu í Vestmannaeyjum.

Nýjustu fréttir

Áhugavert

Hátt í 50 metrar á Stórhöfða

Bæjarmálin

Samgöngur við Eyjar settar í hættu?

Úr blaði Eyjafrétta

Gamla myndin – Kartöflugarðar í Eyjum

Fréttir

Landsbankinn og N1 bætast í hluthafahóp Eyjaganga

Áhugavert

Eló heldur tónleika í Eyjum

Vinnslustöðin

Þórunn Sveinsdóttir VE kveður Eyjar

Tímamót

Rauði krossinn í Eyjum fagnaði 85 árum með opnu húsi

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki