Ná­lægt sex hundruð millj­ón­ir króna í af­leidd­ar tekj­ur verða eft­ir ár hvert í Vest­manna­eyj­um í gegn­um ár­lega viðburði íþrótta­fé­lags­ins ÍBV, er greint frá í Morgunblaðinu í dag.

„Þarna er ég reynd­ar bara að tala um þessi tvö stóru fót­bolta­mót, Orku­mótið og Pæj­u­mótið, og svo Þjóðhátíð. Að auki höld­um við svo ár­lega tvö hand­bolta­mót og þrett­ándagleði, sem einnig skila tekj­um í bæ­inn og til okk­ar,“ seg­ir Dóra Björk Gunn­ars­dótt­ir, fram­kvæmda­stjóri ÍBV.

Hún seg­ir að um góðar tekju­lind­ir sé að ræða en þó sé rekst­ur íþrótta­fé­laga samt sem áður alltaf „barn­ing­ur“. „Þetta geng­ur upp með ómældri vinnu sjálf­boðaliða. Fólk hér ger­ir sér grein fyr­ir mik­il­vægi þess­ara viðburða fyr­ir sam­fé­lagið,“ seg­ir Dóra Björk í um­fjöll­un um mál þetta í  ViðskiptaMogg­an­um í dag.