Sigríður Lára er Íþróttamaður Vestmannaeyja 2016
Knattspyrnukonan unga, Sigríður Lára Garðarsdóttir er Íþróttamaður Vestmannaeyja 2016. Hún er fædd í Vestmannaeyjum 1994. Hún hóf mjög ung að stunda íþróttir í Eyjum og stundaði ásamt knattspyrnunni handbolta og golf áður en hún valdi að einbeita sér að knattspyrnuiðkun.
�??Sísí Lára hóf að leika með meistaraflokki ÍBV árið 2009 aðeins 15 ára gömul og lék það ár tíu leiki og gerði í þeim tvö mörk. Í dag hefur Sísí Lára leikið 126 leiki og skorað í þeim 21 mark. Í vor varð ÍBV Lengjubikarmeistari og átti Sigríður Lára stóran þátt í þeim titli. Sísí Lára spilaði stórt hlutverk í liði ÍBV á Laugardalsvelli í ágúst í sjálfum bikarúrslitaleiknum en í þeim leik lögðu andstæðingar ÍBV ríka áherslu á það að halda Sísí Láru niðri í leiknum. Í sumar var eitt að mörkum Sísíar Láru valið eitt af fallegustu mörkum fótbolta-sumarsins og var hún að meðal markahæstu miðjumanna í íslensku deildinni sumarið 2016, sagði Hjördís Steina Traustadóttir, formaður ÍBV-héraðssabands um Sigríði Láru.
Árið 2010 var Sísí Lára valin í U-17 ára landslið Íslands og hefur leikið með öllum landsliðum Íslands í knattspyrnu. Hún hefur leikið 29 unglingalandsleiki og skorað fimm mörk. Hún er meðal leikjahæstu leikmanna Íslands í unglingalandsleikjum. Á að baki 1 leik með U-23 ára landsliðinu og lék sinn fyrsta A-landsleik þegar Ísland gerði 1-1 jafntefli við Pólland.
�??�?rátt fyrir mikinn áhuga liða á Íslandi og erlendis ákvað Sísí Lára að leika áfram með ÍBV og er það mikið fagnaðarefni fyrir félagið.
Sísí Lára er mikil fyrirmynd ungra leikmanna hvað varðar áhuga og metnað svo ekki sé minnst á það að Sísí Lára neytir hvorki áfengis né tóbaks.
Sísí Lára hefur þjálfað yngri flokka félagsins undanfarin ár við mikla hrifningu iðkenda.
Sísí Lára hefur alltaf verið ÍBV til sóma innan vallar sem utan.
Við byrjum á hápunkti kvöldsins með Íþróttamanni Vestmannaeyja 2016,�?? sagði Hjördís.
Byrjað var að tilnefna Íþróttamann Vestmannaeyja árið 1978. Sá Rótarýklúbbur Vestmannaeyja um valið til 1982. �?á tók Íþróttabandalag Vestmannaeyja við valinu og viðhafði kosningu meðal bæjarbúa en frá árinu 1986 hefur valið verið í höndum valnefndar sem kjörin er á ársþingi Íþróttabandalags Vestmannaeyja.

Nýjustu fréttir

Íþróttir
Kristín Klara lék í sigri Íslands á Serbíu
Íþróttir
Þar sem andinn er góður og stemningin í klefanum frábær
Kynning
Bílaumboðið Una selur XPENG bíla á Íslandi 
Áhugavert
Árni Árnason – Þurrabúðarlíf í Eyjum um aldamótin 1900
Bæjarmálin
34,8 milljónir í fjárhagsaðstoð í fyrra
Úr blaði Eyjafrétta
Safna fyrir innileikvelli fyrir börn 
Fréttir
85 ára saga Rauða krossins í Eyjum – opið hús í Arnardrangi á sunnudag
Úr blaði Eyjafrétta
Skýr skilaboð frá flokksmönnum 
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.