Mikill viðbúnaður var á flugvellinum í Vestmannaeyjum í hádeginu þar sem bilun kom upp í sjúkraflugvél Mýflugs, sem var á leið til Eyja. Samkvæmt útkalli Neyðarlínunnar var vélin búin að missa allt rafmagn. En sem betur fer reyndist aðeins um rafmagnsbilun að ræða í vélinni, sem lenti ósködduð og fyrir fullu vélarafli stuttu síðar. Verið er að skoða vélina og er ekki vitað hvers eðlis bilunin er en flugvélin er nýleg, framleidd 1999 og var keypt í september og kom í stað flugvélarinnar sem fórst við Akureyri í byrjun ágúst.