Fréttir af ofurfellibylnum Haiyan í Filippseyjum hafa verið fjölmargar enda miklar hamfarir og tala látinna há. Hins vegar gerði hin virta fjölmiðlafyrirtæki mistök í fréttaflutningi sínum í dag, reyndar ansi stór mistök. Á vef fjölmiðilsins, Sky.com var sýnt myndband af skipi sem barðist um í öldurótinu en skipið var sagt vera frá Filipseyjum og að myndbandið hafi verið tekið þar. �?arna var hins vegar togarinn Smáey VE og var myndbandið tekið við Íslandsstrendur. Guðmundur Oddgeirsson vakti athygli á málinu og sendi Eyjafréttum þessar myndir sem fylgja fréttinni. Hann sendi jafnframt ritstjórn Sky línu og stuttu síðar var búið að taka fréttina út af vef Sky.com.

Meðfylgjandi er myndbandið af Smáey VE sem Tómas Marshall tók í byrjun árs 2008 en í myndbandinu sést Smáey VE sigla inn til hafnar í Eyjum í stormi og mjög slæmu sjólagi.