„Við hlökkum mikið til að halda útgáfutónleika Sólarlags í Eldheimum. Plötuútgáfan hefur verið eitt stórt ævintýri hjá okkur Gylfa. Við hjónin tókum strax þá ákvörðun að gera þetta saman og hafa gaman af öllu ferlinu. Það tókst og tónleikarnir verða glæsilegur endapunktur á sex mánaða vinnu þegar lögin af plötunni verða flutt í Eldheimum föstudaginn 3. júlí klukkan 18.30,“ segir Guðrún Erlingsdóttir tónlistarkona með meiru.

„Við lofum fjölbreyttum tónleikum með Bandinu hennar Rúnu, sem skipað er Sigurgeiri Sigmundssyni, Birgi Nielsen, Dúna Geirssyni og Þóri Ólafssyni. Nánast allir söngvararnir sem koma fram á plötunni verða einnig á sviðinu. Eyjakonurnar í hópnum eru Sísí Ástþórs, Jóhanna Björk Gylfadóttir, ég sjálf og Gugga Lísa, sem á ættir að rekja til Eyja. Aðrir söngvarar eru Tómas Guðmundsson, Drífa Nadía Thoroddsen og Kolbrún Shalini Árnadóttir.“

Nánar í Eyjafréttum.