Stefna á að skila af sér í maí
Starfshópur Um Fýsileika Jarðganga Til Vestmannaeyja
Starfshópurinn - sem falið var að kanna fýsileika jarðganga til Vestmannaeyja. Ljósmynd: Innviðaráðuneytið

Innviðaráðherra skipaði í sl. haust starfshóp um könnun á fýsileika jarðganga á milli lands og Vestmannaeyja.

Starfshópurinn hefur það hlutverk að setja fram sviðsmyndir um mismunandi útfærslur og kosti og galla hverrar fyrir sig. Þá á starfshópurinn að leggja fram kostnaðarmetna áætlun um þær rannsóknir og greiningar sem framkvæma þarf, svo hægt verði að leggja endanlegt mat á fýsileika jarðganga til Vestmannaeyja.

Fundað fimm sinnum

Fulltrúi Vestmannaeyjabæjar í starfshópnum er Gylfi Sigfússon. Hann segir aðspurður um hvernig vinnu hópsins miði að það sé mjög jákvæður starfsandi í starfshópnum sem kom fyrst saman í byrjun október í fyrra og hefur fundað fimm sinnum.

„Á milli funda hafa meðlimir starfshópsins einnig verið að hittast og taka viðtöl við aðila sem tengjast málaflokknum. Safnað var saman upplýsingum og eldri skýrslum um Eyjagöng og rannsóknir á svæðinu og farið var ýtarlega yfir það sem til er og kannað var hversu langt þessar rannsóknir náðu á síðustu árum.“

Allt með það í huga að draga úr óvissu varðandi öryggi, kostnað og fýsileika Vestmannaeyjaganga

Að sögn Gylfa hefur starfshópurinn kallað til sérfræðinga sem fóru yfir áhrifaþætti á hverju sviði.

„Þeir sem komu til fundar við hópinn eru sérfræðingar á sviði arðsemismats, jarðfræði svæðisins, jarðgangagerðar og rannsókna á jarðlögum undir sjó.“

Inntur eftir svörum um hvað sé framundan í vinnu nefndarinnar segir hann að starfshópurinn muni klára samtöl við sérfræðinga og vinna að tillögum um næstu skref, m.a. hvað varðar nánari rannsóknir á jarðlögum á fyrirhugaðri gangaleið, allt með það í huga að draga úr óvissu varðandi öryggi, kostnað og fýsileika Vestmannaeyjaganga.

„Niðurstöður starfshópsins verða kynntar í maí á þessu ári ef að líkum lætur.“ segir Gylfi Sigfússon.

https://eyjar.net/kanna-fysileika-jardganga-til-eyja/

 

 

 

Nýjustu fréttir

Íþróttir
ÍBV vann Álaborg í æfingaleik á Spáni
Áhugavert
Dýpkun Landeyjahafnar kostaði 600 milljónir í fyrra
Úr blaði Eyjafrétta
Gamla myndin
Sjávarútvegur
Eyjarnar lönduðu fullfermi í heimahöfn
Aðsend grein
Þakklát fyrir traustið sem mér hefur verið sýnt
Fréttir
Samþykktu rekstrarviðauka fyrir Náttúrustofu Suðurlands
Fréttir
Skoða byggingu sjúkrasundlaugar
Úr blaði Eyjafrétta
Birgir Nielsen um tónlistina og lífið á skólabekk  
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.