Föstudaginn 30. desember hyggst smíðaklúbburinn Þumalputtar, ásamt ÍBV-íþróttafélagi halda styrktarmót í knattspyrnu fyrir markahrókinn Steingrím Jóhannesson. Öll innkoma af mótinu rennur óskipt til Steingríms, sem berst við krabbamein. Keppt verður í Eimskipshöllinni en salnum verður skipt í fjóra velli. Fimm eru inn á í einu og leiktíminn er 1×10 mínútur. Mótið hefst klukkan 17:00 en fyrirkomulag mótsins og mótslok fara eftir þátttöku.