Þingmenn Suðurkjördæmis lögðu fram tillögu til þingsályktunar í dag þess efnis að ríkisstjórnin hefji nú þegar undirbúning að alútboði um smíði og rekstur nýrrar Vestmannaeyjaferju, sem verði tilbúin til siglinga milli lands og Eyja 2013. Samkvæmt tillögunni á skipið að hafa að minnsta kosti 15 mílna ganghraða, taka 475 farþega, 80 bíla og að djúprista verði ekki meira en 3,1 metri. Þá á siglingageta skipsins í Landeyjahöfn að vera óháð vindi í að minnsta kosti 3,5 metra ölduhæð. Hugmyndin er að ferjusmíðin og rekstur hennar verði í höndum einkaaðila. Greinargerð með tillögunni má lesa hér að neðan en Árni Johnsen er fyrsti flutningsmaður hennar.