Vestmannaeyjabær bauð nýverið út rekstur tjaldsvæða og var tilboðsfrestur til 12. janúar sl.

Eitt formlegt tilboð barst og var það frá Aðalsteini Ingvasyni, Katrínu Harðardóttur, Helga Sigurðssyni og Evelyn Bryner, en einnig barst ósk um samtal frá ÍBV íþróttafélagi um reksturinn innan gefins tilboðsfrests.

Starfsfólk Vestmannaeyjabæjar fundaði með báðum aðilum og framkvæmdastjóri umhverfis- og framkvæmdasviðs fylgdi málinu eftir við bæjarráð. Hann lagði til að eina formlega tilboðinu sem barst yrði tekið.

Í afgreiðslu ráðsins segir að bæjarráð samþykki tillögu framkvæmdastjóra með tveimur atkvæðum og var honum falið að ganga frá samningi við tilboðsaðila. Eyþór Harðarson vék af fundi við afgreiðslu málsins.