Föstudaginn 4. september verður svokallaður treyjudagur haldinn í fyrsta sinn á Íslandi til stuðnings börnum með krabbamein. Á treyjudeginum klæðist fólk sinni uppáhalds íþrótta treyju til stuðnings börnum með krabbamein og fjölskyldum þeirra. Dagurinn hefur verið haldinn í Danmörku, Svíþjóð og Noregi um árabil.

Að því tilefni eru nemendur hvattir til að mæta í sinni uppáhalds treyju í skólann og á æfingar.

Styrktarfélag barna með krabbamein stendur að deginum, en félagið styður börn með krabbamein og fjölskyldur þeirra með fjölbreyttum hætti.

Á Íslandi greinist að meðaltali eitt barn með krabbamein í hverjum mánuði. Með Treyjudeginum er fólk hvatt til að sýna samstöðu á einfaldan og sýnilegan hátt, óháð því hvaða liði það heldur með.