Svo virðist vera sem kolsýruleki hafi komið upp í skipi í Vestmannaeyjahöfn í dag. Áhöfnin var um borð í bátnum þegar slysið varð. Tveir menn voru að vinna í vélarrúmi bátsins við þröngar aðstæður þegar kolsýran losnaði. Þeir misstu báðir meðvitund. Annar þeirra fékk meðvitund fljótlega og var fluttur strax á sjúkrahús þar sem hann fær aðhlynningu. Það tók töluvert lengri tíma að ná hinum manninum upp, en hann náði líka meðvitund og var fluttur á sjúkrahús.