Samkvæmt heimildum Eyjafrétta hefur Siglingastofnun farið þess á leit við Vinnslustöðina að fá uppsjávarskipið Ísleif VE til dýpkunarfram­kvæmda í Landeyjahöfn. Kristján Óskarsson viðraði þá hug­mynd að fá uppsjávarskip til að dæla upp sandi í höfninni og hafði meðal annars borið hugmyndina undir Siglingastofnun. Það hefur nú borið þann árangur að gera á tilraun með að láta dælubúnað skipsins sjúga upp sand í stað loðnu eða síldar og verður forvitnilegt að fylgjast með árangrinum.