Vandræði karlaliðs ÍBV halda áfram en liðið hefur ekki þótt spila vel undanfarnar vikur. Í dag tapaði liðið fyrir Víkingum 30:27 eftir að staðan í hálfleik hafði verið 15:9 Víkingum í vil. Síðan 6. nóvember hefur liðið aðeins unnið þrjá af níu leikjum. Af þessum þremur sigrum, var einn gegn botnliði Fjölnis á heimavelli og annar gegn ungmennaliði FH, sömuleiðis á heimavelli. Þessir tveir sigrar voru allt annað en sannfærandi. Það er því ljóst að leikmenn liðsins verða að fara girða sig í brók, ef liðið ætlar sér að eiga möguleika á úrvalsdeildarsæti í vor.