Varahlutir væntanlegir til landsins í dag

Herjólfur þurfti óvænt að fara aftur í slipp þegar upp kom bilun eftir að skipið hafði verið tekið niður úr þurrkvínni í Hafnarfirði í síðustu viku. Nú er verið að bíða eftir varahlutum til þess að ljúka við þær viðgerðir sem nauðsynlegar eru. “Þeir eru farnir út úr húsi hjá framleiðanda í Hollandi og vonast er eftir þeim seinnipartinn í dag eða snemma í fyrramálið til landsins,” var svarið sem við fengum þegar við höfðum samband við Hörð Orra Grettisson framkvæmdarstjóra Herjólfs ohf og spurðum um stöðuna á varahlutunum.

Óvíst með verklok
Hörður segir ekki auðvelt að áætla það nákvæmlega hvenær skipið kemst aftur í áætlun milli lands og Eyja. “Það er erfitt að segja nákvæman tíma að svo stöddu, en við bindum vonir við að viðgerðin taki ekki mjög langan tíma og verkið verði langt komið í vikunni.”

Sá þriðji ekki á förum
Hörður segir Eyjamenn ekki þurfa að hafa áhyggjur af því að tapa afleysingarskipinu eftir þessa óvæntu uppákomu því engin tímamörk séu á því hversu lengi Herjólfur III getur verið staðsettur hér. “Samstarfið við Færeyingana hefur verið mjög gott, þeir vita að þegar skip eru í slipp getur alltaf eitthvað komi uppá og við getum haft Herjólf III þangað til slippurinn klárast.”

Er þessi bilun eitthvað sem er eðlilegt eða kom þetta á óvart?
“Þetta kom öllum á óvart og er ekki eðlilegt, samkvæmt flokkunarfélagi skipsins eru box-kælar skoðaðir á fimm ára fresti og var það því ekki á dagskrá í þessum slipp að taka þá upp. En það má þó segja að það hafi verið lán í óláni að þetta kom í ljós á þessum tíma, Herjólfur IV var 100m frá þurrkvínni sem var laus og varaskipið Herjólfur III var klárt til að halda áfram siglingum. Hefði þetta komið upp síðar er alveg ljóst að þjónustuskerðing hefði orðið á sjósamgöngum við Vestmannaeyjar.”

Mikill munurinn í kostnaði að keyra gamla skipið
Hörður segir aðspurður töluvert hagkvæmara er að sigla Herjólfi IV en Herjólfi III. “Helsti munurinn er meiri orkukostnaður á Herjólfi III. Hann siglir eingöngu á olíu hér á milli á meðan við notum rafmagn á Herjólfi IV. Einnig erum við fleiri í áhöfn á Herjólfi III og því er launakostnaður töluvert hærri á meðan hann siglir.”

Nýjustu fréttir

Áhugavert
Stjána á Emmunni þakkað fyrir ómetanlegt starf
Mannlíf
Fjörugt föstudagskvöld með SSSól í Eyjum
Úr blaði Eyjafrétta
Gætti vandlega að græna litnum á Ísleifunum
Fréttir
Sjómannadagskrá laugardags
Úr blaði Eyjafrétta
Sjómannskonur: Ásta Jóna
Umhverfismál
Bærinn skýrir ástandið í Búastaðagryfju
Umhverfismál
Blómaakkeri prýðir Stakkagerðistúnið fyrir sjómannadaginn
Úr blaði Eyjafrétta
Sjómannskonur: Harpa Hjartardóttir
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.