Við ætlum að standa undir væntingum - Erlingur Richardsson

Nú styttist óðum í fjórða leik ÍBV og Vals í úrslitaeinvíginu um Íslandsmeistaratitilinn í handbolta, en leikurinn fer fram í Íþróttamiðstöðinni á morgun, laugardag kl. 16:00. Upphitun fyrir leikinn hefst kl. 14:00 þar sem verður boðið upp á gómsætar veitingar af grillinu, kalda drykki auk þess sem hoppukastali verður á svæðinu. 

Við fengum Erling Richardsson, þjálfara liðsins til að deila með okkur hvernig liðið undirbýr sig fyrir komandi átök. 

 „Við lærðum helling af síðasta leik, og þá helst hvar við getum bætt vörnina. Við höfum farið yfir það, en þetta hefur verið langt tímabil, svo við erum ekki að vinna í neinu stóru nema að halda hópnum mikið saman og stemmingunni góðri,“ segir Erlingur. 

„Meðal þess sem við höfum verið að gera er að fara í sund, golfkennslu og svo eru eigendur veitingastaðanna hér í bænum duglegir að styðja við bakið á okkur og bjóða okkur í mat.“

En hvað gerir Erlingur sjálfur í sínum persónulega undirbúningi?
„Ég horfi aftur á leikinn og klippi hann til, svo bara að hafa nóg annað að gera, halda sem mestu jafnvægi í daglega lífinu.“

Bæði liðin eru augljóslega góð, á hverju mun þetta velta á lokametrunum?
„Bæði lið hafa ferska unga stráka í bland við reynslubolta, og félögin hafa komist langt á heimamönnum og það er eftirtektarvert. Mín skoðun er sú að það lið sem mun fyrst gera mistök í leiknum, mun fá það fljótt í bakið. 

En er Erlingur bjartsýnn á Eyja sigur á morgun?
„Já. Sigur! Klárlega. Við gerum allt til þess. Stuðningurinn er mikill og við finnum það og við ætlum að standa undir væntingum fyrir Eyjafólk sem mætir á leikinn.“

Við óskum Erlingi og öllum leikmönnum ÍBV góðs gengis í leiknum á morgun og hvetjum allt Eyjafólk til að mæta.

Nýjustu fréttir

Fréttir
Appelsínugul viðvörun: Suðaustan rok og stórhríð
Fréttir
Aðalfundur krabbavarnar í gær
Aðsend grein
Vestmannaeyjar skila milljörðum – en fá hvað í staðinn?
Íþróttir
Íþróttamaður mánaðarins – Haukur Leó
Áhugavert
Bæjarfulltrúar tjá sig ekki um útboð heilsuræktar
Íþróttir
Úrslitakeppnin af stað – ÍBV tekur á móti KA
Fréttir
Árni Sigfússon – Um Eyjagöng
Áhugavert
Bjartsýni á framtíð Eyjanna á erfiðum tímum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.