Á fundi fjölskyldu- og tómstundaráðs í vikunni lá fyrir erindi frá Thelmu Gunnarsdóttur og Árnýju Ingvarsdóttur sálfræðingum þar sem þær sækja um fjárstyrk til útgáfu á sjálfshjálparbók fyrir börn á aldrinum 6 – 12 ára. Markmið bókarinnar er að hjálpa foreldrum og börnum þeirra að takast á við áhyggjur, áður en þær verða að alvarlegum kvíða. Bókin nýtist fagaðilum sem starfa með börnum t.d. í skóla, félagsþjónustu og heilbrigðiskerfinu.