Það gustar um Heilbrigðisstofnunina í Vestmannaeyjum, HIV. Skurðstofunni lokað fyrirvaralítið, ákvörðun sem kom eins og köld vatnsgusa framan í heilbrigðisstarfsmenn í Eyjum , íbúa þar og okkur sem vinnum að málefnum kjördæmisins. Ég hef fengið mjög margar spurningar um hvað þingmenn ætli að gera í málinu. Það er ekki einfalt að vinda ofan af ákvörðun sem tekin er á stofnuninni sjálfri og aðkoma mín að málinu líkari því að hringt sé á slökkviliðið þegar húsið er brunnið til kaldra kola, en mér bárust fréttirnar á fésbókinni.