Höfn í Bakkafjöru

Bæjarstjórinn í Vestmannaeyjum undrast að rætt sé um að einkaaðilar eigi
höfn í Bakkafjöru. Aðstoðarmaður samgönguráðherra segir rekstraraðila Vestmannaeyjaferju ekki munu eiga höfnina sjálfa heldur aðstöðu fyrir farþega.

„Þetta eru nýjar fréttir fyrir okkur,” segir Elliði Vignisson, bæjarstjóri í Vestmannaeyjum, sem undrast að Siglingastofnun segi koma til greina að rekstur ferjuhafnar í Bakkafjöru verði í höndum einkaaðila.

Í nýlegri auglýsingu útboðs vegna reksturs og eignarhalds á ferju milli Bakkafjöru og Eyja segir
hugsanlegt að rekstur hafnar í Bakkafjöru verði innifalinn í útboðsverkefninu.

    „Hingað til hefur verkefnið verið kynnt þannig fyrir okkur að höfnin verði í meirihlutaeigu Vestmannaeyjabæjar og rekin í samstarfi Vestmannaeyjabæjar og Rangárþings eystra. Og við stefnum ótrauð á það,” segir Elliði, sem kveður Eyjamenn þegar hafa gert athugasemd við auglýsinguna.

    „Ég held að menn séu reyndar bara að skoða þennan flöt og á ekki von á öðru en að menn verði við beiðni okkar um að höfnin verði í okkar rekstri. Þetta verður sérhannað ferjulægi fyrir Vestmannaeyjaferjuna og við erum það sveitarfélag í landinu sem hefur mesta og bestu reynslu af rekstri hafnar,” segir Elliði og upplýsir að Vestmannaeyjabær vinni nú að stofnun sameiginlegs hafnarsjóðs með Rangárþingi eystra.

    Siglingastofnun heyrir undir samgönguráðuneytið. „Þetta virðist sprottið af misskilningi. Það myndi aldrei koma til að einkaaðili ætti höfnina heldur er verið að horfa til þess að rekstur mannvirkjanna við höfnina færi til þess aðila sem hefði með rekstur ferjunnar að gera,” segir Róbert Marshall, aðstoðarmaður Kristjáns L. Möllers samgönguráðherra. Meðal mannvirkja sem ferjufyrirtækið myndi annast eru rampart fyrir bíla og aðstaða fyrir farþega að sögn Róberts. Gert er ráð fyrir að fyrirtækið myndi sjálft eiga ferjuna.

    „Hugmyndin er að nota sérþekkingu markaðarins á skiparekstri,” segir Róbert, sem leggur áherslu á að í samningi um rekstur Vestmannaeyjaferjunnar verði ákvæði sem taki á hugsanlegum vanefndum af hálfu verktakans og sömuleiðis ákvæði sem taki til breyttra aðstæðna sem kunni að koma upp á þeim fimmtán árum sem útboðstíminn tekur til.

 

 

 

Nýjustu fréttir

Íþróttir
ÍBV tapaði gegn Val í lokaleik Olís deildarinnar
Áhugavert
Enginn kemst áfram í lífinu á ljóðum einum saman
Úr blaði Eyjafrétta
Hugmyndin að húsinu fæddist eftir samtal við vini
Myndband
Vorlykt í lofti
Fréttatilkynning
Framboðslisti Sjálfstæðisflokksins lagður fyrir fulltrúaráðið
Áhugavert
Jói Listó – Ótrúlegur ferill mikils listamanns
Íþróttir
Toppliðin takast á í lokaleik Olísdeildarinnar
Fréttir
Gular viðvaranir allvíða – Suðaustanhríð á Suðurlandi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.