Nú eru komnar samtals 429 pysjur í pysjueftirlit Sæheima. �?ó að þetta muni seint teljast gott pysjuár þá gleðjumst við yfir því að pysjurnar eru miklu fleiri en í fyrra, en þá voru þær 99 talsins og aðeins 30 árið þar áður. Í dag var góður dagur í pysjueftirlitinu en alls var komið með 146 pysjur. �?á var einnig komið með þyngstu pysjuna sem komið hefur verið með þetta árið en hún fannst á Eiðinu í gærkvöldi og var 318 grömm að þyngd. Við vonum að þessi þróun haldi áfram og viljum endilega fá bæði fleiri og stærri pysjur segir á heimasíðu Sæheima.