Í verstu hviðunum fór vindhraðinn á Stórhöfða mest upp í 50 metra á sekúndu. Meðalvindhraðinn var mestur 39 metrar á sekúndu klukkan 3 í nótt en síðan hefur lægt nokkuð og var meðalvindhraði klukkan 7 25 metrar á sekúndu. Samkvæmt veðurspá lægir nokkuð hratt þegar líða tekur á morguninn og um hádegi er spáð austan 5 metra meðalvindhraða á Stórhöfða. Spáð er nokkuð mildu veðri næstu daga, hægum vindi, hitastig yfir frostmarki og dálítil úrkoma.