„Takk Grótta! Grótta 2- Fjölnir 1. En nýtt lið er komið með í baráttuna, Afturelding eftir 4-1 sigur á Njarðvík. Þeir eru með 33 stig og eiga eftir Fjölni og Afturelding,“ segir Einar Friðþjófsson, knattspyrnusérfræðingur á FB síðu sinni í gær. Þrátt fyrir tap gegn Keflavík í síðustu umferð eru Eyjamenn á toppi Lengjudeildarinnar þegar tvær umferðir eru eftir.

Efsta sætið gefur beint sæti í Bestu deild og nú er það strákanna að klára leikina tvo með stæl. „Enn og aftur líkurnar. Ef við skoðum leikina sem þessi efstu lið eiga eftir eru líkurnar ÍBV í vil. En Grótta vann Fjölni. Nú er þetta algjörlega í höndum ÍBV. Ég trúi ekki öðru en að Peyjarnir klári þetta dæmi. Næsti leikur er á sunnudag 8. september á Hásteinsvelli gegn Grindavík. Mætum nú á völlinn og hvetjum Peyjana til dáða. Áfram ÍBV,“ segir Einar og ástæða til að taka undir með honum.

Síðasti leikurinn er gegn Leikni, 14. september kl. 14.00 á útivelli.

Staðan