Níu ára Eyjapeyi stefnir á listaskóla

Óliver Friðriksson er 9 ára að verða 10 ára í júní. Foreldrar hans eru Drífa Þorvaldsóttir og Friðrik Már Sigurðsson. Systkini hans eru þau Mónika Hrund sex ára og Martin þriggja ára. Áhugi Ólivers á að teikna byrjaði snemma og stefnir hann á í framtíðinni að fara í listaskóla og verða listamaður. Við spurðum Óliver út í teikningarnar og fengum sendar flottar og skemmtilegar myndir sem hann hefur teiknað undanfarið. 

Áhugamál? Fótbolti og teikna.

Hvenær byrjaðir þú að teikna? Ég var bara á leikskóla þegar ég byrjaði að teikna, en ég fór að teikna meira í öðrum bekk. 

Hvernig kviknaði áhuginn á að teikna? Ég var alltaf að sjá teikni myndbönd á Youtube og langaði að geta gert svona flottar myndir. 

Hefur þú nýtt þér námsefni til þess að læra að teikna? Nei ekkert þannig, kannski bara Youtube. 

Hversu oft teiknar þú? Ég teikna eiginlega alltaf eitthvað alla daga. 

Hvernig myndir ert þú að teikna? Ég teikna mest andlitsmyndir en mér finnst líka gaman að teikna dýr. 

Hvað finnst þér skemmtilegast að teikna? Mér finnst skemmtilegast að teikna myndir af andlitum. 

Ertu með framtíðarplön þegar kemur að því að teikna? Mig langar að fara í listaskóla og verða listamaður. 


Þessa mynd teiknaði Óliver þegar hann var aðeins sex ára.


Harry Potter.


Grinch (Trölli).

Óliver leitar oft að myndum á netinu sem honum langar að teikna og velur þar úr. Eins og sjá má eru myndirnar hjá honum glæsilegar og gaman verður að fylgjast með honum í framtíðinni. 

 

Nýjustu fréttir

Fréttir
Appelsínugul viðvörun: Suðaustan rok og stórhríð
Fréttir
Aðalfundur krabbavarnar í gær
Aðsend grein
Vestmannaeyjar skila milljörðum – en fá hvað í staðinn?
Íþróttir
Íþróttamaður mánaðarins – Haukur Leó
Áhugavert
Bæjarfulltrúar tjá sig ekki um útboð heilsuræktar
Íþróttir
Úrslitakeppnin af stað – ÍBV tekur á móti KA
Fréttir
Árni Sigfússon – Um Eyjagöng
Áhugavert
Bjartsýni á framtíð Eyjanna á erfiðum tímum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.