Kjúklingur með grænmeti, núðlum og cashewhnetum

Ég eldaði þessa uppskrift í síðustu viku en þessar góðu uppskrift fékk ég á www.cafesigrun.com en þar má finna mikið af góðum og hollum uppskriftum.
Netið er fullt af skemmtilegum og góðum uppskriftum til að elda og www.cafesigrun.com er gott dæmi um þannig síðu.Það er upplagt að gera þessa uppskrift vel stóra svo maður geti haft hana í matinn tvo daga í röð (og jafnvel í nesti þriðja daginn!!). Það er nefnilega smá maus við að skera grænmetið og svoleiðis og mér finnst alltaf best með svoleiðis mat að útbúa þannig að sé góður afgangur. Þetta er annars mjög saðsamur og hollur réttur og er uppskriftin úr fínni kjúklingabók sem ég á. Ég reyndar set ekki 5 DESILÍTRA af matarolíu eins og á að gera (trúið þið því að maður eigi að setja allt þetta magn???). Það er nefnilega þannig með eggjanúðlur (og flest pasta) að það losar sterkju þegar það hitnar og gerir það “sleipt” og því þarf ekki að mínu mati alla þessa olíu. Ég notaði bara 1 tsk af sesamolíu (til að fá bragðið) og þar með sparar maður 500 hitaeiningar og um 50 gr af fitu í einum rétti!!! Það er allt í lagi að setja eins og eina mtsk af kókosfeiti eða ólífuolíu en annað er óþarfi. Athugið að þið þurfið stóra pönnu, helst wok til að útbúa þessa uppskrift
 
Kjúklingur með grænmeti, núðlum og cashewhnetum
Fyrir 4-5

  • 1 tsk ljós sesamolía (light)
  • 1 msk kókosfeiti eða ólífuolía
  • 1/2 – 3/4 grillaður (helst) kjúklingur, annars steiktur, rifinn í mjóar ræmur. Skinnið ekki notað. Notið “hamingjusaman kjúkling” (þ.e. organic og free range)
  • 1 stór gulrót, skorin í mjóar ræmur
  • 2 paprikur (rauð og gul) skornar í mjóar ræmur
  • 175 gr mangetout (flatar, grænar belgbaunir sem maður getur borðað heilar þ.e. hýðið og baunirnar)
  • 175 gr babymais (enska: baby sweetcorn)
  • 375 gr “medium” eggjanúðlur (sjóðið, síið vatnið frá og kælið í köldu vatni)
  • 75 gr cashewhnetur þurristaðar á pönnu
  • 2 vorlaukar, skornir fínt
  • Ferskt coriander lauf til að skreyta með (má sleppa)

    Fyrir sósuna:

  • 1 1/2 msk kornsterkja (cornflour eða arrow root)
  • 1 hvítlauksgeiri, skorinn niður í smáa bita (mega vera fleiri ef þið viljið)
  • 2 tsk fínt saxað engifer
  • 2 msk ávaxtasykur
  • 6 msk tamarisósa
  • 1 tsk Tabasco sósa (má sleppa og nota þá smá klípu af chillipipardufti eða cayenne pipar í staðinn)
  • 1 teningur af grænmetiskrafti og 450 ml af vatni

    Aðferð:

  • Sjóðið eggjanúðlurnar og sigtið allt vatn frá. Setjið til hliðar.
  • Þurristið cashewhneturnar á pönnu þangað til þær eru orðnar gullbrúnar.
  • Setjið allt hráefni fyrir sósuna, saman í skál og blandið vel saman.
  • Hitið wok pönnu þangað til hún verður brennandi heit.
  • Setjið 1 msk af kókosfeiti eða ólífuolíu og hitið mjög vel. Það ætti að rjúka úr pönnunni.
  • Hitið gulrótarstrimlana í um 2 mínútur.
  • Bætið papriku, mangetout og babymais saman við og setjið á háan hita. Ef vantar vökva
  • Hrærið í sósunni og hellið henni yfir pönnuna.
  • Sjóðið í um 3-4 mínútur.
  • Bætið eggjanúðlunum og kjúklingnum við og hitið vel í 3 mínútur.
  • Bætið cashewhnetunum við og blandið öllu vel saman.
  • Berið fram í djúpum diskum ásamt prjónum.
  • Hellið nokkrum dropum af sesamolíu yfir hverja skál.
  • Skreytið með corianderlaufum ef þið viljið.
  • Það er hægt að sleppa kjúklingnum og setja t.d. kúrbít, eggaldin, sveppi, auka gulrætur eða marinerað, stíft tofu. í staðinn.

Nýjustu fréttir

Íþróttir
Elmar áfram hjá Nordhorn-Lingen
Íþróttir
Róbert hjá ÍBV næstu tvö árin
Fréttir
Framkvæmdir langt komnar í Íþróttamiðstöðinni
Aðsent
Skákþing Vestmannaeyja: Úrslitin ráðast í síðustu umferðunum
Vestmannaeyjabær
Yfir 90% íbúa ánægðir
Fréttatilkynning
Bríet kemur fram á Hljómey
Stjórnmál
Sæunn Magnúsdóttir gengur til liðs við Miðflokkinn
Úr blaði Eyjafrétta
Framkvæmdir hafnar við Áshamar 77  
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.