Auðunn Blöndal er enn að finna ný fórnarlömb til þess að hrekkja í þætti sínum Tekinn. Nýjasta fórnarlambið var alþingismaðurinn Árni Johnsen sem sat í sakleysi sínu á veitingastaðnum Múlakaffi að borða með vini sínum í gærkvöldi þegar Auðunn og hans menn réðust til atlögu.Vinurinn “missti” óvart disk í gólfið með þeim afleiðingum að “þjónustustúlka” á staðnum missti algjörlega stjórn á skapi sínu. Samkvæmt heimildum Fréttablaðsins var Árni pollrólegur og kippti sér lítið upp við ósköpin enda ýmsu vanur.