Eyjapeyji býður sig fram sem formann SUS

Þórlindur Kjartansson gefur kost á sér til þess að gegna embætti formanns í Sambandi ungra sjálfstæðismanna. Sambandið velur sér forystu á sambandsþingi sem haldið verður á Seyðisfirði helgina 14. til 16. september. Núverandi formaður, Borgar Þór Einarsson, hefur tilkynnt að hann muni ekki sækjast eftir endurkjöri.

Þórlindur, sem er 31 árs, hefur verið virkur í starfi Sjálfstæðisflokksins og ungliðahreyfingarinnar um árabil. Hann er nú umsjónarmaður málefnastarfs SUS auk þess sem hann gegndi veigamiklu hlutverki í kosningabaráttu Sjálfstæðisflokksins í vor, að því er kemur fram í tilkynningu.

Hann útskrifaðist úr Menntaskólanum í Reykjavík árið 1996 þar sem hann gegndi embætti Inspectors scholae. Hann er með BA gráðu í hagfræði frá Háskóla Íslands og var virkur í starfi Vöku, félags lýðræðissinnaðra stúdenta. Í Vöku var Þórlindur meðal annars varaformaður, formaður, oddviti og kosningastjóri. Hann sat í Stúdentaráði og stjórn Stúdentaráðs 1999 – 2001, var formaður stjórnar Félagsstofnunar stúdenta 2005 til 2007 og situr enn í þeirri stjórn. Hann hefur verið annar af tveimur ritstjórum vefritsins Deiglan.com frá 2003, en í þeim félagsskap eru nú um eitt hundrað manns.

Þórlindur starfar nú sem deildarstjóri í markaðsdeild Landsbankans þar sem hann hefur umsjón með erlendri markaðssetningu fyrirtækisins. Hann hefur áður fengist við eigin atvinnurekstur, starfað sem textahöfundur á auglýsingastofu, verið ráðgjafi þáverandi fjármálaráðherra og blaðamaður á Fréttablaðinu. Hann hefur skrifað hundruð pistla um þjóðmál og stjórnmál á Deigluna og er auk þess höfundur þriggja bóka sem hann skrifaði ásamt Eggerti Þór Aðalsteinssyni. Þær eru: NBA Stjörnurnar (1994), NBA 95 (1995) og Enski boltinn (1999).

Þórlindur er fæddur og uppalinn í Vestmannaeyjum, sonur hjónanna Sr. Kjartans Arnar Sigurbjörnssonar og Katrínar Þórlindsdóttur. Hann er kvæntur Ingunni H. Hauksdóttur, endurskoðanda.

Nýjustu fréttir

Íþróttir
Eyjakonur töpuðu heima gegn Breiðablik
Menntamál
Þétt setinn skóli þegar haustönn hefst
Myndband
Heimaklettur í allri sinni dýrð – en gönguleiðin bíður enn úrbóta
Fréttir
Fjögur lið frá ÍBV tóku þátt á Norðurálsmótinu
Íþróttir
Stórleikur á Hásteinsvelli í kvöld
Íþróttir
Þriðji sigur ÍBV í röð kom gegn Stjörnunni
Fólkið
Bergmál á Þingvöllum sló í gegn
Íþróttir
Mikilvæg stig í húfi þegar Stjarnan kemur til Eyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.