Á bæjarstjórnarfundi í Sveitarfélaginu Árborg í fyrradag var Margrét Katrín Erlingsdóttir (B lista) kjörin forseti bæjarstjórnar.

Margrét mun gegna því embætti næstu tvo mánuði í leyfi Þorvaldar Guðmundssonar oddvita B lista. Þess má geta að Ingunn Guðmundsdóttir var síðust kvenna til að vera kjörin forseti bæjarstjórnar á undan Margréti og það var 14. júní 2000 en hún var sömuleiðis fyrsti forseti bæjarstjórnar Árborgar 7. júní 1998.