Við setningu Bryggjuhátíðar á Stokkseyri þann 11. júlí s.l. opnaði Ásta Stefánsdóttir, starfandi bæjarstjóri (bæjarritari) í Árborg ljósmyndasýningu á neðri hæð Bryggjusviðsins á Stokkseyrarbryggju.

Þar voru 70 ljósmyndir Jóns Sigurgrímssonar f. 7. maí 1922 d. 29. júní 2008 frá Holti í Stokkseyrarhreppi hinum forna en hann var bóndi þar 1954 til 1995. Myndirnar eru af mannlífi í hreppnum á fyrri tíð og var sýningin hluti af afmælishaldi Búnaðarfélags Stokkseyrarhrepps sem fagnar 120 ára afmæli í ár.