Aðalfundur Golfklúbbs Vestmannaeyja fór fram 29. desember síðastliðinn. Helgi Bragason var endurkjörinn sem formaður og aðeins varð ein breyting á stjórn þegar Ragnar Baldvinsson hætti en í hans stað kemur Hörður Orri Grettisson. Daglegur rekstur klúbbsins gekk vel og hækkuðu tekjur um 15 % á milli ára. Hagnaður var af rekstri klúbbsins upp á tæpar sex milljónir króna. Þá náðist að lækka langtímaskuldir verulega. Ákveðið var að hækka árgjöldin um 6%, eða úr 53.000 kr. í 56.000 krónur. Þetta kemur fram á vefnum iGolf.is.