Mér finnst ekki langt síðan að maður atti kappi við Þórara uppi á Maló – hörkutólin Helga Braga og Nökkva Sveins og varnartröllin Hinna Bjarna og Nonna Loga, valmennið sem stendur nú vaktina á grænum grundum almættisins. Blessuð sé minning hans. Baráttan var hörð, en leikgleðin í fyrirrúmi og hvorki spáð í blóðug hné né rispaða olnboga. Við Týrarar bjuggum að því að hafa baráttujaxlinn Leif Geir á miðjunni og markakónginn Sindra Grétars í framlínunni til þess að jafna leika, svo ekki sé nú talað um Guffa í markinu og Huginn Helga sem alla stakk af.