- Eyjafréttir
- ·
- Fréttir
- ·
Góð byrjun dugði ekki til
ÍBV tapaði fyrir Val í dag í Olísdeild karla en lokatölur urðu 32:26. Eyjamenn byrjuðu vel í leiknum, komust í 1:5 en Valsmenn náðu að jafna metin og var jafnt á með liðunum út fyrri hálfleikinn. En undir lok hans tóku Valsmenn góða rispu og voru yfir 16:13 þegar gengið var til búningsherbergja í leikhléi.
Valsarar héldu svo áfram á sömu braut í síðari hálfleik, héldu Eyjamönnum í hæfilegri fjarlægð og juku svo forskotið á lokakaflanum.
Eyjamenn eru í þriðja sæti eftir leikinn með átta stig, með jafn mörg stig og Fram, Valur og ÍR. FH er í öðru sæti með 9 stig en á toppnum eru Haukar með 10. Neðstu tvö liðin eru svo Akureyri og HK sem virðast ætla vera í botnbaráttunni í vetur.
Mörk ÍBV: Agnar Smári Jónsson 6, Andri Heimir Friðriksson 5, Theodór Sigurbjörnsson 4, Róbert Aron Hostert 3, Magnús Stefánsson 2, Guðni Ingvarsson 2, Dagur Arnarsson 1, Filip Scepanovic 1, Matjaz Mlakar 1, Sindri Haraldsson 1.
