Lögreglumenn tóku sér skóflu í hönd á þriðjudagskvöldi og hófust handa við að bera salt á gatnamót í Vestmannaeyjum. Launhált er á þessum slóðum og töldu lögreglumenn öruggast að saltbera göturnar til að koma í veg fyrir að ökumenn lentu í vandræðum vegna hálkunnar.

Vestmannaeyjabær hefur komið upp saltkössum á nokkrum stöðum við gatnamót í bænum sem fólk getur notað ef hálka gerir vart við sig. Pétur Steingrímsson, varðstjóri hjá Lögreglunni í Vestmannaeyjum, sagði í samtali við fréttastofu að lögreglumenn hefðu nýtt þessa aðstöðu til að salta gatnamót. Hann sagði að lofthiti væri yfir frostmarki en hálka á götum sem fólk yrði ekki endilega vart við, fyrr en það gæti verið um seinan. �?ví hefðu lögreglumenn tekið til við að salta. Pétur hvatti fólk til að nýta sér það salt sem bærinn hefur komið fyrir og bera það á götur í hálku. �?annig gætu bæjarbúar aukið umferðaröryggi í bænum.