Herjólfur siglir eina ferð til Landeyjahafnar síðdegis í dag, föstudaginn 16. október. Fyrstu tvær ferðir laugardagsins verða einnig til Landeyjahafnar en á sunnudag og mánudag verður siglt til Þorlákshafnar. Þetta kemur fram í tilkynningu frá Herjólfi.

Brottför frá Vestmannaeyjum í dag er klukkan 17:00 og frá Landeyjahöfn klukkan 21:15. Brottförin frá Landeyjahöfn færist því frá klukkan 20:45.

Tvær ferðir til Landeyjahafnar á laugardagsmorgun

Laugardaginn 17. október verður siglt frá Vestmannaeyjum klukkan 07:00 og 09:30 og frá Landeyjahöfn klukkan 08:15 og 10:45.

Tilkynning um siglingar síðdegis verður gefin út fyrir klukkan 15:00 á laugardag. Samkvæmt spá versnar veður þegar líður á daginn.

Óhagstætt útlit síðdegis á sunnudag

Sunnudaginn 18. október og mánudaginn 19. október er áætlað að sigla til Þorlákshafnar samkvæmt eftirfarandi áætlun:

• Frá Vestmannaeyjum klukkan 07:00 og 16:00.
• Frá Þorlákshöfn klukkan 10:45 og 19:45.

Síðari brottför frá Eyjum færist því frá klukkan 17:00 til 16:00 og síðari brottför frá landi frá klukkan 20:45 til 19:45.

Í tilkynningunni er þó vakin athygli á að veðurspá geri ráð fyrir óhagstæðum aðstæðum til siglinga til beggja hafna síðdegis á sunnudag. Verði breytingar á áætlun verður tilkynnt um þær fyrir klukkan 15:00 þann dag.

Farþegar eru minntir á að á þessum árstíma geti orðið breytingar á því til hvorrar hafnarinnar er siglt og því sé ekki æskilegt að skilja eftir farartæki í annarri hvorri höfninni. Þeir sem ætla að nýta gistirými ferjunnar þurfa að hafa með sér eigin búnað.