Boðað hefur verið til fundar í kjaradeilu undirmanna á Herjólfi í dag klukkan 11:30. Síðasti fundur var síðastliðinn föstudag og miðað við þær fréttir sem voru eftir þann fund, þokast lítið áfram í sáttaátt og engin ástæða til bjartsýni. Verkfall undirmanna hófst miðvikudaginn 5. mars en í raun hefur verið um yfirvinnubann til þessa, þ.e. að undirmenn vinna ekki frá klukkan 17 á daginn til klukkan 8 morguninn eftir. Ef ekki verður samið í vikunni, leggja undirmenn hins vegar niður störf á föstudögum líka. �?á verða engar ferðir föstudaga, laugardaga og sunnudaga og aðeins ein ferð hina dagana á meðan ekki er fært í Landeyjahöfn. Ef fært er í Landeyjahöfn, eru ferðirnar hins vegar þrjár.