Ekki öruggt en tvö stig í hús
ÍBV náði í kvöld fimm stiga forskot á Val en Eyjamenn eru í öðru sæti Olísdeildarinnar á meðan Valur er í því þriðja. ÍBV lagði HK að velli í kvöld en lokatölur urðu 36:27. Lokatölurnar gefa þó ekki rétta mynd af gangi leiksins því HK veitti ÍBV harða mótspyrnu, var aldrei langt undan þótt ÍBV hefði ávallt verið skrefi á undan. Eyjamenn leiddu lengst af með tveimur til þremur mörkum, allt þar til tíu mínútur voru eftir að leikmenn ÍBV hristu loksins af sér slenið og spiluðu af eðlilegri getu. �?að hefur reyndar gerst áður, oftar en einu sinni og oftar en tvisvar að leikir ÍBV séu nokkuð jafnir í 50 mínútur eða svo en að Eyjamenn séu sterkastir á lokasprettinum. Staðan í hálfleik var 16:14 fyrir ÍBV.
Eyjamenn léku illa í kvöld. �?að er í raun ekkert hægt að draga fjöður yfir það og ef mótherjinn hefði verið sterkari, þá hefði ÍBV aldrei náð í tvö stig. En HK liðið sýndi reyndar í kvöld að í liðinu býr ýmislegt. Bæði lið gerðu reyndar fjölmörg mistök sóknarlega og markvarslan var í algjöru lágmarki. Varnarleikur ÍBV var skásti hlutinn en var þó ekki nógu góður á köflum. En að spila illa og vinna samt eru styrkleikamerki. �?að má líka hugsanlega segja að leikmenn ÍBV hafi ekki mætt fullir ákefðar til leiks enda að spila gegn liði sem ÍBV á að vinna í 9 af hverjum 10 skiptum, jafnvel oftar.
Staðan er nú þannig að ÍBV er enn þremur stigum á eftir Haukum, sem eru efstir. Haukar eru með 29 stig, ÍBV 26 og Valur er í þriðja sæti með 21 stig. Valsmenn eiga reyndar leik til góða en þeir spila gegn Akureyri á morgun, föstudag og geta með sigri minnkað muninn aftur niður í þrjú stig. �?rjár umferðir eru eftir en ÍBV spilar næst gegn ÍR á útivelli í næstu viku, þá gegn Val á heimavelli og svo gegn Haukum á útivelli. Allt eru þetta erfiðir leikir, sérstaklega síðustu tveir en Valsmenn fóru illa með ÍBV í Eyjum síðast þegar liðin mættust.
Mörk ÍBV: Agnar Smári Jónsson 8, Magnús Stefánsson 7, Grétar �?ór Eyþórsson 7, Theodór Sigurbjörnsson 5/2, Róbert Aron Hostert 4, Andri Heimir Friðriksson 3, Guðni Ingvarsson 1, Hallgrímur Júlíusson 1.
Varin skot: Kolbeinn A. Ingibjargarson 6/1, Henrik Eidsvaag 5/1.
Viðtal við Magnús Stefánsson fylgir fréttinni.

Nýjustu fréttir

Samgöngur
Baldur verður áfram í Eyjum
Íþróttir
Eyjakonur í undanúrslit eftir framlengdan leik gegn FH
Fréttir
Hátíðarhöld 17. júní færð inn í Íþróttamiðstöðina
Úr blaði Eyjafrétta
Sjómannsfjölskyldan mín
Íþróttir
Topplið FH mætir ÍBV í bikarslag á Hásteinsvelli
Aðsend grein
Vertíðin 2026
Áhugavert
Skoðar Vestmannaeyjar fyrir mögulega fóðurverksmiðju
Áhugavert
Herjólfur III bíður enn eftir haffærisskírteini
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.