Inga Guðgeirsdóttir er mikil baráttukona. Hún hefur í haust og vetur staðið fyrir mótmælafundum við Heilbrigðisstofnunina, þar sem mótmælt hefur verið niðurskurði á fjárveitingum til stofnunarinnar. Barátta sem enn hefur kannski ekki skilað þeim árangri sem vonast var til en engu að síður vakið athygli á vandanum. Sjálf er Inga að glíma við erfið veikindi og þarf oft að leita læknisaðstoðar í Reykjavík. En eins og samgöngum er nú háttað við Eyjar, er slíkt ekki auðvelt. Hún hefur því líka látið í sér heyra um Herjólfsverkfallið og allt sem því fylgir. Inga hefur sett saman myndband, einskonar baráttumyndband vegna Herjólfs og Heilbrigðisstofnunarinnar. Ljósmyndir í myndbandið fékk hún hjá �?mari Eðvaldssyni, Pétri Steingrímssyni, Helga Rasmussen og Ruth Zohlen. Undir er leikið lagið �??Ísland er land mitt.�??