Töframaðurinn ungi Hermann Töframaður hefur slegið í gegn í þáttunum Ísland got talent. Hermann, sem er aðeins 13 ára, er í raun Eyjapeyi enda er afi hans Hermann Ingi úr Logunum. Hermann hefur sýnt töfrabrögð víðs vegar en allur ágóði sýninganna rennur í styrktarsjóð systur hans, Karenar sem þarf að komast erlendis í aðgerð til að laga hryggjskekkju. Hermann ætlar að standa að frábærri fjölskyldusýningu ásamt Töfrahetjunum í Salnum í Kópavogi föstudaginn 16. maí. Töframaðurinn Einar Mikael, sem er Eyjamönnum að góðu kunnur, kemur fram í sýningunni og Eyjakonan Sigga Lund hefur einnig aðstoðað töframanninn unga.

Töfrahetjurnar er frábær fjölskyldusýning sem inniheldur heimsfrægar sjónhverfingar og ótrúleg töfrabrögð. Áhorfendur fá að taka virkan þátt í sýningunni og fá nokkrir heppnir að aðstoða Töfrahetjurnar. Í sýningunni fá áhorfendur að sjá alvöru töfradýr og fá myndir af sér með hetjunum eftir sýninguna. Töfrahetjurnar eru samblanda af nokkrum framúrskarandi einstaklingum sem geta gert ótrúlega hluti. Í töfrahetjunum eru meðal annars Einar Mikael töframaður og Viktoría töfrakona ásamt fleiri hetjum.

Sýningin er til styrktar Karenar systur Hermanns töframanns sem er að keppa í Íslands Got Talent. Verið er að safna fyrir aðgerð til að laga hryggskekkju sem Karen er með og vekja athygli á málstaðnum. Töfrahetjurnar bjóða alla velkomna til að upplifa ótrúlega hluti og sjá töfrandi sýningu í Salnum.

Ágóði:

Allur ágóði af miðasölu rennur óskertur til að safna fyrir aðgerð Karenar. Hérna eru upplýsingar til að leggja inná styrktarreikninginn frjáls framlög.

Reikningsnúmer: 322-13-110342 / Kt: 031296-2349

Miðasala hefst miðvikudaginn 2. apríl n.k. Miðar fást inná salurinn.is og midi.is. Miðaverð: 2.490 kr. Dagsetning: föstudagurinn 16. maí, sýningin hefst kl: 19:30.

Facebook-síða Hermans

Atriði Hermanns í Íslands Got Talent

Viðtal við Hermann.