- Eyjafréttir
- ·
- Fréttir
- ·
Geta tryggt sér sæti í undanúrslitum í kvöld
Í kvöld klukkan 18:00 sækir ÍBV FH heim í 8-liða úrslitum Íslandsmóts kvenna í handbolta. ÍBV vann fyrsta leik liðanna örugglega í Eyjum á sunnudag en lokatölu urðu 25:17 eftir að staðan í hálfleik var 11:8. ÍBV vann einnig báða leiki liðanna í deildarkeppninni, 22:24 í Hafnarfirði og 24:21 í Eyjum. Tölfræðin er því á bandi ÍBV en það hefur lítið að segja þegar flautað er til leiks í Kaplakrika.
ÍBV liðið mætir fullmannað til leiks en Vera Lopes fékk að líta rauða spjaldið á sunnudaginn. �?að var hins vegar ekki svokallað rautt spjald með skýrslu, þannig að hún sleppur við bann.
