Það var sannkölluð söngveisla í Vestmannaeyjum í gærkvöldi þegar Kvennakór Vestmannaeyja, Karlakór Vestmannaeyja og Kór Landakirkju buðu upp á glæsilega tónleika. Á efnisskránni voru innlend og erlend lög sem sýndu vel fjölbreytni og kraftinn í kórastarfi Eyjamanna. Aðsókn var góð og undirtektir áheyrenda frábærar. 

Kitty Kovács, organisti og kórstjóri Landakirkju, og Matthías Bogason sáu um undirleik og kórstjórn. Kitty stjórnaði Kvennakórnum og Kór Landakirkju en Matthías Karlakórnum. Hver kór flutti sína dagskrá en einn af hápunktum kvöldsins var þegar allir þrír sameinuðust í einn stóran kór undir stjórn Kittyar. Þar naut samhljómur raddanna sín vel og krafturinn í söngnum var eftirminnilegur. 

Tónleikarnir voru glæsileg kynning á því öfluga kórastarfi sem fram fer í Vestmannaeyjum. Að baki liggja ófáar æfingastundir, metnaður stjórnenda og sönggleði kórfélaga. Allt skilaði þetta sér í ánægjulegri tónlistarveislu sem gestir kunnu vel að meta. 

Söngurinn á sér sterkar rætur í Eyjum og tónleikarnir sýndu að þær eru í fullum blóma.